നിരക്കുയര്ത്താന് തീരുമാനിച്ച് എയര്ടെല്, വോഡാഫോണ് ഐഡിയ
Nov 20, 2019, 16:37 IST
മുംബൈ: അടുത്ത മാസം മുതല് നിരക്കുയര്ത്താന് എയര്ടെല്, വോഡാഫോണ് ഐഡിയ കമ്പനികള്. വോയ്സ്, ഡാറ്റ, എസ് എം എസ് എന്നിവക്കാണ് വില ഉയര്ത്തുക. ഇതിന്റെ വിശദാംശങ്ങള് പ്രഖ്യാപിച്ചിട്ടില്ല.
വോയ്സ്, ഡാറ്റ എന്നിവക്ക് സര്ക്കാര് തറവില നിശ്ചയിക്കാന് ഒരുങ്ങുന്നുവെന്ന വാര്ത്തകള്ക്കിടെയാണ് ഈ കമ്പനികള് നിരക്ക് പ്രഖ്യാപനം നടത്തിയത്. അതേസമയം, ജിയോയും ബി എസ് എന് എല്ലും വില ഉയര്ത്തുമെന്ന സൂചനയുണ്ട്. മറ്റ് നെറ്റ് വര്ക്കുകളിലേക്കുള്ള സൗജന്യ കോള് ജിയോ കഴിഞ്ഞ മാസം അവസാനിപ്പിച്ചിരുന്നു.