കൊച്ചിയില്‍ 18 കന്യാസ്ത്രീകള്‍ക്ക് കൂടി കൊവിഡ് സ്ഥിരീകരിച്ചു; കൊവിഡ് ബാധിച്ച് മരിച്ച കന്യാസ്ത്രീയുടെ സമ്പര്‍ക്കപട്ടികയിലുണ്ടായിരുന്നവര്‍
Jul 21, 2020, 14:15 IST
കൊച്ചി: കൊച്ചിയില്‍ കൊറോണ വൈറസ് പടര്‍ന്ന് പിടിക്കുകയാണ്. 18 കന്യാസ്ത്രീകള്‍ക്ക് കൂടി കൊവിഡ് 19 സ്ഥിരീകരിച്ചിരിക്കുകയാണ്. കഴിഞ്ഞ ദിവസം വൈപ്പിനില്‍ കോവിഡ് ബാധിച്ച് മരിച്ച സിസ്റ്റര്‍ ക്ലെയറിന്റെ സമ്പര്‍ക്കപ്പട്ടികയിലുള്ളവരാണ് ഇവര്‍.
ആലുവ എരുമത്തല പ്രൊവിന്‍സിലെ കന്യാസ്ത്രീകളാണിവര്‍. ഇവരുമായി സമ്പര്‍ക്കമുണ്ടായവരുടെ പട്ടിക ആരോഗ്യവകുപ്പ് തയ്യാറാക്കിയിട്ടുണ്ട്. ഇവര്‍ക്ക് പുറമേ കൊച്ചി നോര്‍ത്ത് എക്‌സൈസ് സര്‍ക്കിള്‍ ഇന്‍സ്‌പെക്ടര്‍ക്കും കൊവിഡ് സ്ഥിരീകരിച്ചിട്ടുണ്ട്. ഇതോടെ നഗരം ആശങ്കയിലാണ്.
