ഇന്ന് സൗദിയിൽ 1428 പേർക്ക് കൂടി കോവിഡ്; രോഗബാധിതരുടെ എണ്ണം 2,88,690 ആയി
Aug 9, 2020, 19:51 IST
റിയാദ്: സൗദിയിൽ 1428 പേർക്ക് കൂടി പുതുതായി രോഗം സ്ഥിരീകരിച്ചതോടെ ആകെ രോഗബാധിതരുടെ എണ്ണം 2,88,690 ആയി. ഇതിൽ 33,484 പേർ രാജ്യത്തെ വിവിധ ആശുപത്രികളിൽ ചികിത്സയിലാണ്. 1816 രോഗികളുടെ ആരോഗ്യസ്ഥിതി ഗുരുതരമാണ്. തീവ്രപരിചരണ വിഭാഗത്തിലാണ് അവർ.
അതേസമയം, 2,52,039 രോഗികൾ ഇതുവരെ സുഖംപ്രാപിച്ചു. ഞായറാഴ്ച 1599 പേർ കൂടി രോഗമുക്തി നേടി. രാജ്യത്തെ ആകെ രോഗമുക്തി നിരക്ക് 87.3 ശതമാനമായി. 24 മണിക്കൂറിനിടെയുണ്ടായ 60,846 ടെസ്റ്റുകളടക്കം രാജ്യത്ത് ഇതുവരെ നടത്തിയ മൊത്തം ടെസ്റ്റുകളുടെ എണ്ണം 3,813,274 ആയി.