കാണാതായ പ്ലസ്ടു പരീക്ഷ ഉത്തരക്കടലാസുകൾ റെയിൽവേ വാഗണിൽ കണ്ടെത്തി
Jul 7, 2020, 15:00 IST
കൊല്ലം മുട്ടറ സ്കൂളിലെ കാണാതായ പ്ലസ്ടു പരീക്ഷ ഉത്തരക്കടലാസുകൾ കണ്ടെത്തി. തിരുവനന്തപുരത്തെ റെയിൽവേ വാഗണിലാണ് ഉത്തരക്കടലാസുകൾ കണ്ടെത്തിയത്. 27 ദിവസത്തിനു ശേഷമാണ് ഉത്തരക്കടലാസുകൾ തിരിക്കെ ലഭിച്ചത്.
കണ്ടെത്തിയ ഉത്തരക്കടലാസുകൾ പൊതുവിദ്യാഭ്യാസ വകുപ്പിൻറെ ഓഫീസിൽ എത്തിച്ചു. കൊല്ലം ഒഴികെ ഉള്ള ഏത് ജില്ലയിൽ നിന്നും പരീക്ഷ പേപ്പറുകൾ മൂല്യ നിർണയം നടത്താം. വേഗത്തിൽ മൂല്യനിർണയം നടത്തി പത്താം തിയതി തന്നെ പരീക്ഷാഫലം പ്രസിദ്ധീകരിക്കും.
