ഖത്തറില്‍ റെഡിമിക്‌സ് വാഹനങ്ങള്‍ക്ക് പുതിയ വ്യവസ്ഥകള്‍
Nov 16, 2019, 19:58 IST
ദോഹ: റെഡിമിക്‌സ് കോണ്‍ക്രീറ്റ് ട്രക്കുകള്‍ക്ക് പുതിയ മാനദണ്ഡങ്ങളുമായി ഖത്തര്‍. കോണ്‍ക്രീറ്റ് മിശ്രിതം ചോരുന്നത് തടയാനാണ് പുതിയ വ്യവസ്ഥകള്‍.
കോണ്‍ക്രീറ്റ് മിശ്രിതം പുറത്തുവരുന്ന സ്ഥലത്ത് ഇതിനോട് ചേര്‍ന്ന് ഒരു ബാഗ് വെക്കണം. വെള്ളം കടക്കാത്ത സിമന്റും വെള്ളവും ചോരാത്ത രീതിയില്‍ മുറുക്കിയിടണം ഈ ബാഗ്. വാഹനങ്ങളുടെ സാങ്കേതിക പരിശോധനാ വിഭാഗമായ ഫാഹിസ് ഇത് പരിശോധിക്കും. വ്യവസ്ഥകള്‍ അടുത്ത മാസം ഒന്നു മുതല്‍ പ്രാബല്യത്തില്‍ വരും.
