പ്രമേഹ രോഗികള്‍ക്ക് കുവൈത്തില്‍ വിസ ലഭിച്ചേക്കില്ല
Nov 26, 2019, 17:51 IST
കുവൈത്ത് സിറ്റി: പ്രമേഹ രോഗികളായ പ്രവാസികള്‍ക്ക് ഇനി മുതല്‍ കുവൈത്തില്‍ തൊഴില്‍ വിസ ലഭിച്ചേക്കില്ല. ടി ബി, ഹെപറ്റൈറ്റിസ് ബി- സി, എച്ച് ഐ വി/ എയ്ഡ്‌സ് എന്നീ രോഗങ്ങളുടെ കൂട്ടത്തില്‍ പ്രമേഹം പോലുള്ള രോഗങ്ങളെയും ഉള്‍പ്പെടുത്താനുള്ള നീക്കത്തിലാണ് ആരോഗ്യ മന്ത്രാലയം.
താമസാനുമതി ലഭിക്കാനുള്ള മെഡിക്കല്‍ പരിശോധനയില്‍ മുകളില്‍ പറഞ്ഞ രോഗങ്ങള്‍ കണ്ടെത്തിയാല്‍ വിസ അനുവദിക്കില്ല. പട്ടികയില്‍ ഉള്‍പ്പെടുത്തുന്ന പ്രമേഹമല്ലാത്ത മറ്റ പുതിയ രോഗങ്ങളുടെ വിവരം പുറത്തുവിട്ടിട്ടില്ല.
