ബഹറൈനില് പ്രതിമാസ തൊഴില് ഫീസ് ഒഴിവാക്കി
Apr 3, 2020, 20:46 IST
മനാമ: പ്രതിമാസ തൊഴില് ഫീസ്, തൊഴില് പെര്മിറ്റ് പുതുക്കുന്നതിനും ഇഷ്യൂ ചെയ്യുന്നതിനുമുള്ള ഫീസ് എന്നിവ താത്കാലികമായി ഒഴിവാക്കി ബഹറൈന് ലേബര് മാര്കറ്റ് റഗുലേറ്ററി അതോറിറ്റി (എല് എം ആര് എ). ഏപ്രില് ഒന്ന് മുതല് മൂന്ന് മാസത്തേക്കാണ് ഈ ഫീസുകള് ഒഴിവാക്കിയത്.
കൊറോണ വൈറസ് ബാധയുടെ പശ്ചാത്തലത്തില് സമ്പദ്ഘടനയെ രക്ഷിക്കാനുള്ള സര്ക്കാറിന്റെ ഉത്തേജന പാക്കേജിന് താങ്ങാകാനാണ് എല് എം ആര് എയുടെ ഈ പദ്ധതി. രാജ്യത്തെ ചെറുകിട- ഇടത്തരം സംരംഭങ്ങളെ സഹായിക്കുകയും പിന്തുണക്കുകയും ചെയ്ത് കൊവിഡിനെ പ്രതിരോധിക്കാനുള്ള ശ്രമത്തില് രാജ്യത്തോടൊപ്പമുണ്ടെന്നും എല് എം ആര് എ അറിയിച്ചു.