സൗദിയില് എ ടി എം കാര്ഡുകളുടെ കാലാവധി നീട്ടി
Apr 14, 2020, 17:56 IST
റിയാദ്: എ ടി എം കാര്ഡുകളുടെ കാലാവധി ജൂണ് രണ്ടു വരെ ദീര്ഘിപ്പിക്കാന് സൗദി അറേബ്യന് മൊണിട്ടറി അതോറിറ്റി (സമ) ബേങ്കുകള്ക്ക് നിര്ദ്ദേശം നല്കി. കാലാവധി കഴിഞ്ഞതും കഴിയാനിരിക്കുന്നതുമായ കാര്ഡുകളുടെ കാലാവധി ദീര്ഘിപ്പിക്കും.
ഉപഭോക്താക്കളുടെ ദേശീയ ഐ ഡി കാര്ഡിന്റെ കാലാവധി കഴിഞ്ഞതിനെ തുടര്ന്നോ ഇടപാടുകള് നിര്ജ്ജീവമായതിനെ തുടര്ന്നോ ബാങ്ക് അക്കൗണ്ടുകള് മരവിപ്പിക്കുന്നതും സമ റദ്ദാക്കിയിട്ടുണ്ട്. നിയമവുമായി ബന്ധപ്പെട്ട വ്യക്തികളുടെയും സിഗ്നേറ്ററി പാര്ട്ടികളുടെ അതോറിറ്റികളുടെയും അക്കൗണ്ടുകള്ക്കും ഈ ആനുകൂല്യം ലഭിക്കും.
അതിനിടെ, സൗദിയില് പുതിയ 472 കോവിഡ് കേസുകള് കൂടി രജിസ്റ്റര് ചെയ്തു. ആറ് പേര് കൂടി മരിച്ചതോടെ മരണസംഖ്യ 65 ആയി. രോഗം സ്ഥിരീകരിച്ച മൊത്തം പേര് 4934 ആണ്. മരിച്ചവരില് നാല് പേര് പ്രവാസികളാണ്.