ഖത്തറില്‍ എല്ലാ സ്വകാര്യ ആരോഗ്യ കേന്ദ്രങ്ങളിലും അടിയന്തര പ്രാധാന്യമല്ലാത്ത സേവനങ്ങള്‍ റദ്ദാക്കി
May 1, 2020, 15:46 IST
ദോഹ: രാജ്യത്തെ എല്ലാ സ്വകാര്യ ആരോഗ്യ കേന്ദ്രങ്ങളിലും അടിയന്തര പ്രാധാന്യമല്ലാത്ത എല്ലാ സേവനങ്ങളും താത്കാലികമായി റദ്ദാക്കാന്‍ മന്ത്രിസഭ തീരുമാനിച്ചു. ഡെന്റല്‍, ഡെര്‍മറ്റോളജി, ലേസര്‍, പ്ലാസ്റ്റിക് സര്‍ജറി, സര്‍ജറി തുടങ്ങിയ സേവനങ്ങളാണ് റദ്ദാക്കിയത്. അതേസമയം, അടിയന്തര കേസുകള്‍ സ്വീകരിക്കും.
ഡയറ്റ്- ന്യൂട്രീഷന്‍ സെന്ററുകള്‍, ഫിസിയോതെറാപ്പി ക്ലിനിക്ക്, ബദല്‍ മെഡിസിന്‍, കുടുംബാരോഗ്യ സേവനം, ഭിന്നശേഷിക്കാരുടെ ഹെല്‍ത്ത് സെന്ററുകള്‍ തുടങ്ങിയവയുടെ സേവനവും റദ്ദാക്കിയിട്ടുണ്ട്. ദീര്‍ഘകാല നഴ്‌സിംഗ് കരാറുള്ള കുടുംബാരോഗ്യ സേവനങ്ങള്‍ക്ക് പ്രവര്‍ത്തിക്കാം. ഓണ്‍ലൈന്‍ സംവിധാനത്തിലൂടെ ചില മെഡിക്കല്‍ സേവനങ്ങള്‍ സ്വകാര്യ ആരോഗ്യ കേന്ദ്രങ്ങള്‍ക്ക് നല്‍കാം.
