സൗദിയിൽ കൊവിഡ് ബാധിച്ച് ഒരു മലയാളി കൂടി മരിച്ചു
May 27, 2020, 13:52 IST
സൗദിയിൽ കൊവിഡ് ബാധിച്ച് ഒരു മലയാളി കൂടി മരിച്ചു. കണ്ണൂരിൽ നിന്നുള്ള പി സി സനീഷാണ് സൗദിയിൽ വച്ച് മരിച്ചത്. 37 വയസായിരുന്നു. ചക്കരക്കല്ല് മാമ്പ സ്വദേശിയാണ്. മൂന്ന് മാസമായി രക്തത്തിൽ ഹീമോഗ്ലോബിൻ കുറയുന്ന അസുഖത്തിന് ചികിത്സയിലായിരുന്നു.
ചികിത്സ നടക്കുന്നതിനിടയിലാണ് ഇദ്ദേഹത്തിന് കൊവിഡ് സ്ഥിരീകരിച്ചത്. ഷുമൈസ് ആശുപത്രിയിലായിരുന്നു ചികിത്സ തുടർന്നിരുന്നത്. ഇതോടെ സൗദിയിൽ 27 മലയാളികൾ കൊവിഡ് ബാധിച്ച് മരിച്ചതായാണ് വിവരം.
