പുതിയ ദുബൈ കോണ്‍സുല്‍ ജനറല്‍ യു എ ഇയിലെത്തി

പുതിയ ദുബൈ കോണ്‍സുല്‍ ജനറല്‍ യു എ ഇയിലെത്തി

ദുബൈ: ദുബൈയിലെ പുതിയ കോണ്‍സുല്‍ ജനറല്‍ ഡോ.അമന്‍ പുരി യു എ ഇയിലെത്തി. കൊവിഡ് പ്രോട്ടോകോള്‍ കാരണം ശനിയാഴ്ച വരെ അദ്ദേഹം ക്വാറന്റൈനിലായിരിക്കും. ഞായറാഴ്ചയാണ് കോണ്‍സുലേറ്റില്‍ ചുമതലയേല്‍ക്കുക.

കഴിഞ്ഞ ഞായറാഴ്ചയാണ് അദ്ദേഹം യു എ ഇയിലെത്തിയത്. യു കെയില്‍ ബര്‍മിംഗ്ഹാം കോണ്‍സുല്‍ ജനറല്‍ ആയിരുന്നു അദ്ദേഹം. 2017 മുതല്‍ യു എ ഇയിലുള്ള മുന്‍ കോണ്‍സുല്‍ ജനറല്‍ വിപുല്‍ കഴിഞ്ഞ 11ാം തീയതിയാണ് ഡല്‍ഹിയിലെ ആസ്ഥാനത്തേക്ക് പോയത്.

44കാരനായ ഡോ.പുരി ദന്തവിദഗ്ധനായിരുന്നു. 2003ലാണ് ഐ എഫ് എസില്‍ ചേര്‍ന്നത്. ഇ യു, ബെല്‍ജിയം, ലക്‌സംബര്‍ഗ് മിഷനുകളില്‍ സേവനമനുഷ്ഠിച്ചിരുന്നു.

Share this story