യു എ ഇ സര്ക്കാരിന്റെ വിസാ ഇളവ് വേണ്ട പ്രവാസികള് ഇന്ത്യന് എംബസിയില് അപേക്ഷ സമര്പ്പിക്കണം
Jul 23, 2020, 16:57 IST
അബുദബി: യു എ ഇ സര്ക്കാര് പ്രഖ്യാപിച്ച വിസാ ഇളവ് വേണ്ട പ്രവാസികള് ഇന്ത്യന് എംബസിയിലും അതത് കോണ്സുലേറ്റുകളിലും അപേക്ഷ സമര്പ്പിക്കണം. മാര്ച്ച് ഒന്നിന് മുമ്പ് വിസാ കാലാവധി കഴിഞ്ഞവര്ക്ക് ആഗസ്റ്റ് ഏഴു വരെ പിഴയടക്കാതെ രാജ്യം വിടാം.
ഈ ഇളവ് ഉപയോഗപ്പെടുത്താന് ആഗ്രഹിക്കുന്നവര് യാത്രയുടെ ഏഴ് പ്രവൃത്തി ദിനം മുമ്പ് അപേക്ഷ നല്കണം. റസിഡന്സി, വിസിറ്റ് അടക്കമുള്ള എല്ലാ വിസക്കാര്ക്കും ഈ ആനുകൂല്യം ലഭിക്കും.
മാര്ച്ച് ഒന്നിന് മുമ്പ് വിസാ കാലാവധി കഴിഞ്ഞവര്ക്കോ അല്ലെങ്കില് ഇതുവരെ രാജ്യത്തെ താമസം നിയമവിധേയമാക്കാത്തവര്ക്കോ ആണ് ഇതിന്റെ ആനുകൂല്യം ലഭിക്കുക. ഇവര്ക്ക് പിഴയില്ലാതെ രാജ്യം വിടാം.