സൗദിയില് വിമാന സര്വ്വീസ് പുനരാരംഭിക്കുന്നതില് ഇതുവരെ തീരുമാനമായില്ലെന്ന് അധികൃതര്
Jul 23, 2020, 15:11 IST
ജിദ്ദ: രാജ്യത്ത് അന്താരാഷ്ട്ര വിമാന സര്വ്വീസുകള് പുനരാരംഭിക്കുന്നത് സംബന്ധിച്ച് കൃത്യമായ തിയ്യതി ഇതുവരെ നിശ്ചയിച്ചിട്ടില്ലെന്ന് സൗദി അറേബ്യന് ജനറല് അതോറിറ്റി ഓഫ് സിവില് ഏവിയേഷന് (ജി എ സി എ) അറിയിച്ചു. ഔദ്യോഗിക ട്വിറ്റര് അക്കൗണ്ടിലാണ് ജി എ സി എ ഇക്കാര്യം അറിയിച്ചത്.
വിമാന സര്വ്വീസുകള് സംബന്ധിച്ച പുതിയ വിവരങ്ങള് ഔദ്യോഗിക സ്രോതസ്സുകളില് പ്രസിദ്ധീകരിക്കുന്നത് മാത്രമേ വിശ്വസിക്കാവൂ. തീരുമാനമാകുന്ന മുറക്ക് ജി എ സി എ ഇക്കാര്യം പ്രഖ്യാപിക്കുമെന്നും അധികൃതര് അറിയിച്ചു.
കൊവിഡ് വ്യാപനത്തെ തുടര്ന്ന് കഴിഞ്ഞ മാര്ച്ചിലാണ് സൗദിയില് വിമാന സര്വ്വീസുകള് നിര്ത്തലാക്കിയത്. ജൂണില് ആഭ്യന്തര സര്വ്വീസുകള് പുനരാരംഭിച്ചിരുന്നു.