ഗ്ലോബല്‍ വില്ലേജ് ഒക്ടോബര്‍ 25ന് തുറക്കും
Jul 26, 2020, 16:27 IST
ദുബൈ: വിവിധ വിനോദങ്ങളുടെയും ഷോപ്പിംഗിന്റെയും വിശ്രമവേള ചെലവഴിക്കാനുള്ള മാര്‍ഗ്ഗങ്ങളുടെയും സംഗമവേദിയായ ഗ്ലോബല്‍ വില്ലേജിന്റെ 25ാം സീസണ്‍ ഒക്ടോബര്‍ 25ന് ആരംഭിക്കും. ഗ്ലോബല്‍ വില്ലേജിന്റെ സില്‍വര്‍ ജൂബിലി സീസണ്‍ കൂടിയാണിത്.
ഗ്ലോബല്‍ വില്ലേജിന്റെ ഔദ്യോഗിക ട്വിറ്റര്‍ പേജിലാണ് ഈ അറിയിപ്പ് വന്നത്. ബഹുമുഖ സംസ്‌കാരങ്ങളുടെ മേളനം കൂടിയാണ് ഗ്ലോബല്‍ വില്ലേജിലുണ്ടാകുന്നത്. അതിനാല്‍ കുടുംബങ്ങളുടെ ഇഷ്ടകേന്ദ്രമാണിത്.
ഷോപ്പിംഗിന് പുറമെ മികച്ച ഭക്ഷണവിഭവങ്ങള്‍ കൂടിയുണ്ടാകും സന്ദര്‍ശകര്‍ക്ക് ആസ്വദിക്കാന്‍. മുന്‍കാലങ്ങളിലൊക്കെ വന്‍ വിജയമായിരുന്നു ഗ്ലോബല്‍ വില്ലേജ്.
