കുവൈറ്റിലെ പുതിയ ഇന്ത്യന്‍ സ്ഥാനപതിയായി കോട്ടയം പാലാ സ്വദേശി സിബി ജോര്‍ജ് ഞായറാഴ്ച ചുമതലയേല്‍ക്കും
കുവൈറ്റ്‌: കുവൈറ്റിലെ പുതിയ ഇന്ത്യന്‍ സ്ഥാനപതി കോട്ടയം പാലാ സ്വദേശി സിബി ജോര്‍ജ് ഓഗസ്റ്റ് രണ്ടിനു ചുമതലയേല്‍ക്കും. കുവൈറ്റില്‍ സ്ഥാനപതിയാകുന്ന രണ്ടാമത്തെ മലയാളിയാണ്.
വിദേശകാര്യ സര്‍വീസിലെ 1993 ബാച്ചുകാരനായ സിബി 2017 മുതല്‍ സ്വിറ്റ്സര്‍ലന്‍ഡിലെയും വത്തിക്കാനിലെയും അംബാസഡറായിരുന്നു. സൗദി അറേബ്യ, ഇറാന്‍, പാക്കിസ്ഥാന്‍, ഖത്തര്‍ എന്നിവിടങ്ങളില്‍ മുമ്പു ജോലി ചെയ്തിട്ടുള്ള സിബി അറബിക് ഭാഷയില്‍ പ്രാവീണ്യം നേടിയിട്ടുണ്ട്.
സ്വിറ്റ്സര്‍ലന്‍ഡിലെയും വത്തിക്കാനിലെയും അംബാസഡറായിരുന്നു സിബി. കലിക മോഹന്‍ എന്നറിയിപ്പെട്ടിരുന്ന ബി.എം.സി. നായരാണ് കുവൈറ്റില്‍ ആദ്യ മലയാളി അംബാസഡര്‍.
2014ല്‍ എസ്.കെ. സിംഗ് അവാര്‍ഡ് ഫോര്‍ എക്സലന്‍സിന് അര്‍ഹനായ സിബി കോട്ടയം പാലാ പൊടിമറ്റം കുടുംബാംഗമാണ്. ജോയിസ് ജോണ്‍ ആണ് ഭാര്യ.
