നിക്ഷേപകരെ ആകര്‍ഷിക്കാന്‍ കൂട്ടാധാര പദ്ധതിയുമായി ദുബൈ
Aug 3, 2020, 17:54 IST
ദുബൈ: ഹോട്ടല്‍ അപാര്‍ട്ട്‌മെന്റ് മേഖലയിലേക്ക് ചെറുകിട നിക്ഷേപകരെ ആകര്‍ഷിക്കാന്‍ കൂട്ടാധാര പദ്ധതി നടപ്പാക്കാന്‍ ദുബൈ ലാന്‍ഡ് വകുപ്പ് (ഡി എല്‍ ഡി). എമിറേറ്റിലുടനീളം ഈ പദ്ധതി നടപ്പാക്കും.
ഒരേ യൂണിറ്റ് രണ്ടോ നാലോ ഭാഗിക ഓഹരിയായി വിഭജിക്കുകയാണ് ഇതുകൊണ്ട് ലക്ഷ്യമിടുന്നത്. ഓരോന്നിനും സ്വന്തം ആധാരമുണ്ടാകും. ഇത് മറ്റേതൊരു വസ്തുവിനൊപ്പവും വില്‍ക്കുകയോ കൈമാറ്റം ചെയ്യുകയോ ആവാം.
ഈ പദ്ധതി പരീക്ഷണഘട്ടത്തിലാണെന്നും കൂടുതല്‍ പദ്ധതികള്‍ പ്രഖ്യാപിക്കുമെന്നും ഡി എല്‍ ഡി അറിയിച്ചു. റിയല്‍ എസ്റ്റേറ്റ് മേഖലയില്‍ പ്രവേശിക്കാന്‍ ആഗ്രഹിക്കുന്ന ചെറുകിട നിക്ഷേപകര്‍ക്കുണ്ടാകുന്ന ചെലവ് കുറക്കാനാണ് ഈ പദ്ധതി.
