ജയിലുകളില്‍ കൊവിഡ് ബാധയില്ലെന്ന് ബഹറൈന്‍
Aug 6, 2020, 13:55 IST
മനാമ: ജയിലുകളിലെ തടവുകാര്‍ക്ക് കൊവിഡ്- 19 ബാധയുണ്ടെന്ന പ്രചരണം നിഷേധിച്ച് ബഹറൈന്‍ ആഭ്യന്തര മന്ത്രാലയത്തിന്റെ റിഫര്‍മേഷന്‍ ആന്റ് റിഹാബിലിറ്റേഷന്‍ ഡയറക്ടറേറ്റ്. തടവുകാരുടെ സംരക്ഷണത്തിന് മുന്തിയ പരിഗണനയാണെന്ന് അധികൃതര്‍ അറിയിച്ചു.
ജയിലുകളില്‍ കൊവിഡ്- 19നെതിരെ മുന്‍കരുതല്‍ നടപടികള്‍ നടപ്പാക്കിയിട്ടുണ്ട്. ലക്ഷണങ്ങളുള്ളവരെ നേരത്തെ തന്നെ കണ്ടെത്തി ഐസൊലേഷനിലാക്കിയിട്ടുണ്ട്.
മാത്രമല്ല, സുതാര്യ നയങ്ങളുടെ ഭാഗമായി പോസിറ്റീവ് കേസുകളുണ്ടെങ്കില്‍ അത് പ്രഖ്യാപിക്കുകയും ചെയ്യും. വ്യാജ പ്രചരണങ്ങള്‍ വിശ്വസിക്കരുതെന്നും അധികൃതര്‍ അറിയിച്ചു.
