ഒമാനില്‍ തറാസ്സുദ്+ ആപ്പ് അറ്റകുറ്റപ്പണിയില്‍
Aug 8, 2020, 14:12 IST
മസ്‌കറ്റ്: ഒമാന്‍ ആരോഗ്യ മന്ത്രാലയം പുറത്തിറക്കിയ തറാസ്സുദ്+ ആപ്പ് അറ്റകുറ്റപ്പണിക്കായി താത്കാലികമായി റദ്ദാക്കി. ഈ സമയത്ത് ആപ്പില്‍ ഒരു വിവരവും പുതുതായി ലഭിക്കില്ല.
പരിഷ്‌കരണത്തിനും വികസനത്തിനുമായി ആപ്പ് താത്കാലികമായി നിറുത്തിവെച്ചിരിക്കുകയാണെന്ന് മന്ത്രാലയം പ്രസ്താവനയില്‍ അറിയിച്ചു. അറ്റകുറ്റപ്പണിക്ക് ശേഷം ആപ്പ് വീണ്ടും ലഭ്യമാകും.
ഒമാനിലേക്ക് വരുന്ന പ്രവാസികളടക്കമുള്ളവര്‍ ഈ ആപ്പ് ഡൗണ്‍ലോഡ് ചെയ്യേണ്ടതുണ്ട്. മാത്രമല്ല, ഇതില്‍ രിജസ്റ്റര്‍ ചെയ്ത് ആവശ്യമായ വിവരങ്ങള്‍ നല്‍കുകയും വേണം.
