ഒമാനിൽ സർക്കാർ മേഖലയിൽ ജോലിചെയ്യുന്ന വിദേശികളുടെ എണ്ണം കുറയുന്നു
മസ്കറ്റ്: ഒമാനിൽ സർക്കാർ മേഖലയിൽ ജോലിചെയ്യുന്ന വിദേശികളുടെ എണ്ണം കുറയുന്നു.ഒരു മാസത്തിനിടെ 15.1 ശതമാനം പേരുടെ കുറവാണ് ഉണ്ടായത്. കഴിഞ്ഞ ജൂണിൽ 52,462 ആയിരുന്ന വിദേശി ജോലിക്കാരുടെ എണ്ണം ജൂലൈയിൽ 44,558 ആയാണ് കുറഞ്ഞത്. ഒരുമാസത്തിനിടെ 7904 പേരാണ് ഒമാൻ വിട്ടത്.
കഴിഞ്ഞവർഷം ജൂലൈയെ അപേക്ഷിച്ച് സർക്കാർ സർവിസിലെ വിദേശികളുടെ എണ്ണത്തിൽ 18.8 ശതമാനത്തിന്റെ കുറവാണ് ഉണ്ടായിട്ടുള്ളത്.സ്വകാര്യമേഖലയിലെ വിദേശ തൊഴിലാളികളുടെ എണ്ണത്തിലും കുറവുണ്ട്.
നിർമാണ മേഖലയിൽനിന്ന് 19.6 ശതമാനം പേരാണ് ഒമാനിൽനിന്ന് മടങ്ങിയത്. റിയൽ എസ്റ്റേറ്റ്, ഹോ ൾസെയിൽ ആൻഡ് റീട്ടെയിൽ ട്രേഡ് തുടങ്ങിയ മേഖലകളാണ് അടുത്ത സ്ഥാനത്ത്.ജൂലൈ അവസാനത്തെ കണക്കുപ്രകാരം 5.80 ലക്ഷം ബംഗ്ലാദേശികളാണ് ഒമാനിലുള്ളത്. പാകിസ്താനികളുടെ എണ്ണം 1.85 ലക്ഷമായും ഫിലിപ്പിനോകളുടെ എണ്ണം 46,531 ആയും കുറഞ്ഞു.