ഇന്ത്യയും ബഹ്‌റൈനും തമ്മില്‍ എയര്‍ ബബ്ള്‍ കരാറില്‍ ഒപ്പുവെച്ചു; അന്തിമ ധാരണയായി
Sep 11, 2020, 23:37 IST
മനാമ: ഇന്ത്യയും ബഹ്‌റൈനും തമ്മില്‍ എയര്‍ ബബ്ള്‍ കരാറില്‍ ഒപ്പുവെച്ചു. വെള്ളിയാഴ്ചയാണ് കരാര്‍ സംബന്ധിച്ച് അന്തിമ ധാരണയായത്. വിമാന സര്‍വീസ് എന്ന് തുടങ്ങുമെന്ന കാര്യത്തില്‍ വ്യക്തയായിട്ടില്ല.
എയര്‍ ഇന്ത്യ എക്‌സ്പ്രസ് സെപ്റ്റംബര്‍ 13-ന് ചെന്നൈയില്‍നിന്ന് ഒരു സര്‍വീസ് നേരത്തെ പ്രഖ്യാപിച്ചിട്ടുണ്ട്. എയര്‍ ഇന്ത്യ എക്‌സ്പ്രസിനും ഗള്‍ഫ് എയറിനും ദിവസും ഓരോ സര്‍വീസ് നടത്താനാണ് അനുമതി.
വിസയുടെ കാലാവധി കഴിയാറായി നാട്ടില്‍ കുടുങ്ങിക്കിടക്കുന്ന ഒട്ടേറെ പേര്‍ക്ക് ആശ്വാസമാണ് ഈ തീരുമാനം. സാധുവായ ഏത് വിസയുള്ളവര്‍ക്കും ബഹ്‌റൈനിലേക്ക് വരാന്‍ കഴിയുമെന്നാണ് എയര്‍ ബബ്ള്‍ കരാറിന്റെ പ്രത്യേകത.
