ഒമാനിൽ അടുത്ത വർഷം മുതൽ മൂല്ല്യ വർധിത നികുതി നടപ്പിലാക്കാൻ തീരുമാനം

മസ്ക്കറ്റ്: ഒമാനിൽ അടുത്ത വർഷം മുതൽ മൂല്ല്യ വർധിത നികുതി നടപ്പിലാക്കാൻ തീരുമാനം. സാധനങ്ങൾക്കും സേവനങ്ങൾക്കും അഞ്ച്​ ശതമാനം നികുതിയാണ്​ ചുമത്തുക. അടിസ്​ഥാന ഭക്ഷ്യോത്​പന്നങ്ങൾ അടക്കം ചില വിഭാഗങ്ങളെ ‘വാറ്റി’ൽ നിന്ന്​ ഒഴിവാക്കിയിട്ടുണ്ട്​.

എണ്ണവിലയിലെ ഇടിവിന്റെ അടിസ്​ഥാനത്തിൽ വരുമാന വർധനവിനായാണ്​ മൂല്ല്യവർധിത നികുതി നടപ്പിലാക്കാൻ ആറ്​ ജി.സി.സി രാഷ്​ട്രങ്ങൾ തീരുമാനിച്ചത്​. 2016ലാണ്​ ജി.സി.സി രാഷ്​ട്രങ്ങൾ ഇത്​ സംബന്ധിച്ച ധാരണക്ക്​ രൂപം നൽകിയത്​. യു.എ.ഇയും സൗദിയും ബഹറൈനും മാത്രമാണ്​ ഇതുവരെ ‘വാറ്റ്​’ നടപ്പാക്കിയിട്ടുള്ളത്​. ഒമാനിൽ ബഹുഭൂരിപക്ഷം സാധനങ്ങൾക്കും സേവനങ്ങൾക്കും അധിക നികുതി ബാധകമാകുമെന്ന്​ ഒമാൻ ടാക്​സ്​ അതോറിറ്റി അറിയിച്ചു.