മറഡോണയെ വഹിച്ച് ബുർജ് ഖലീഫ
ദുബായ്: ഫുട്ബോൾ ഇതിഹാസം ഡിയേഗോ മറഡോണക്ക് യു.എ.ഇയുടെ ആദരം. ലോകത്തെ ഏറ്റവും ഉയരം കൂടിയ കെട്ടിടമായ ബുർജ് ഖലീഫയിൽ മറഡോണയുടെ ചിത്രങ്ങൾ പതിഞ്ഞു. ദുബായ് കായികമേഖലയുടെ ഓണററി അംബാസഡറായിരുന്നു മറഡോണ.
1986 ൽ അർജന്റീനക്ക് ലോകകപ്പ് നേടിക്കൊടുത്ത മറഡോണ ബുധനാഴ്ചയാണ് ഹൃദയാഘാതത്തെ തുടർന്ന് അന്തരിച്ചത്. 2011 മുതൽ ദുബായിലുണ്ടായിരുന്ന മറഡോണ അൽ വാസൽ ക്ലബിന്റെ പരിശീലകനായി സേവനമനുഷ്ഠിച്ചു. ദുബായ് മാധ്യമങ്ങൾ മറഡോണയുടെ വിടവാങ്ങലിന് വൻ കവറേജാണ് നൽകിയത്.
نضيء #برج_خليفة الليلة لنستذكر مسيرة النجم الاستثنائي دييجو مارادونا الذي رحل عن عالمنا#BurjKhalifa pays tribute to the legendary #DiegoMaradona. May his soul rest in peace. pic.twitter.com/aePQtwIpKZ
— Burj Khalifa (@BurjKhalifa) November 27, 2020
ഇന്നലെ വൈകുന്നേരം ബുർജ് ഖലീഫയുടെ ഭിത്തികളിൽ വർണാഭമായ മറഡോണ ചിത്രങ്ങൾ പ്രത്യക്ഷപ്പെട്ടു. മറഡോണയുടെ ഫുട്ബോൾ ജീവിതത്തിലെ അസുലഭ നിമിഷങ്ങളാണ് ബുർജിൽ പ്രത്യക്ഷപ്പെട്ടത്. മറഡോണയോടുള്ള ആദരമാണ് ഇതിലൂടെ പ്രകടിപ്പിക്കുന്നത് ബുർജ് നിർമാതാക്കളായ ഇഅ്മാർ ട്വിറ്ററിൽ പറഞ്ഞു.