കുവൈറ്റിൽ ഇന്ന് 651 പേർക്ക് കൊവിഡ്: 3 മരണം
Aug 5, 2020, 18:31 IST
കുവൈറ്റ് സിറ്റി: കുവൈറ്റിൽ കൊറോണ വൈറസ്‌ രോഗത്തെ തുടർന്നു 3 പേർ മരണമടഞ്ഞു. ഇതോടെ രാജ്യത്ത്‌ കൊറോണ വൈറസ്‌ ബാധയെ തുടർന്ന് മരണമടഞ്ഞവരുടെ എണ്ണം 468 ആയി. 651 പേർക്കാണു ഇന്നു രോഗ ബാധ സ്ഥിരീകരിച്ചിരിക്കുന്നത്‌.
ഇവരിൽ 425 പേർ സ്വദേശികളാണു. ഇതടക്കം ഇന്ന് വരെ ആകെ കൊറോണ വൈറസ്‌ ബാധയേറ്റവരുടെ എണ്ണം 69425 ആയി. ഇന്ന് രോഗ ബാധ സ്ഥിരീകരിച്ചവരുടെ ആരോഗ്യ മേഖല അടിസ്ഥാനമാക്കിയുള്ള കണക്കുകൾ ഇപ്രകാരമാണു. ഫർവ്വാനിയ 137 ,അഹമദി 219 ,ഹവല്ലി 79 , കേപിറ്റൽ 84 , ജഹറ132 .ഇന്ന് 580 പേരാണു രോഗ മുക്തരായത്‌.
ഇതോടെ ആകെ രോഗം സുഖമായവരുടെ എണ്ണം 60906 ആയി. ആകെ 8051 പേരാണു ഇപ്പോൾ ചികിൽസയിൽ കഴിയുന്നത്‌.ഇവരിൽ 128 പേർ തീവ്ര പരിചരണ വിഭാഗത്തിൽ കഴിയുന്നവരുമാണു.കഴിഞ്ഞ 24 മണിക്കൂറിനിടയിൽ 4550 പേർക്കാണു കൊറോണ വൈറസ്‌ പരിശോധന നടത്തിയത്‌. ഇതോടെ ആകെ പരിശോധന നടത്തിയവരുടെ എണ്ണം 518601ആയി.
