ആൾക്കൂട്ട ആക്രമണത്തിന് ഇരയയായി ആത്മഹത്യ ചെയ്ത യുവാവിന്റെ കാമുകിയും വിഷം കഴിച്ചു; ഗുരുതരാവസ്ഥയിൽ തുടരുന്നു

മലപ്പുറത്ത് ആൾക്കൂട്ട ആക്രമണത്തിൽ മനസ്സ് വേദനിച്ച് ആത്മഹത്യ ചെയ്ത യുവാവുമായി പ്രണയത്തിലായിരുന്ന പെൺകുട്ടിയും വിഷം കഴിച്ചു. കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ച പെൺകുട്ടിയുടെ നില ഗുരുതരമാണ്.

പെൺകുട്ടിയുമായി പ്രണയത്തിലായിരുന്ന പുതുപ്പറമ്പ് പൊട്ടിയിൽ വീട്ടിൽ ഷാഹിറിനെ ഞായറാഴ്ചയാണ് പെൺകുട്ടിയുടെ ബന്ധുക്കൾ മർദിച്ചത്. തുടർന്ന് വീട്ടിലെത്തിയ ഷാഹിർ വിഷം കഴിക്കുകയായിരുന്നു. കഴിഞ്ഞ ദിവസം വെന്റിലേറ്ററിൽ കഴിഞ്ഞ ഷാഹിർ ഇന്ന് പുലർച്ചെയാണ് മരിച്ചത്. ഷാഹിറിന്റെ അനിയൻ ഷിബിലിന്റെ പരാതിയിൽ 15 പേർക്കെതിരെ പോലീസ് കേസെടുത്തിരുന്നു.

ഞായറാഴ്ചയാണ് ഷാഹിറിനെ ഒരു സംഘം തടഞ്ഞുനിർത്തുകയും മർദിക്കുകയും ചെയ്തത്. ഷാഹിറിനെ തെരഞ്ഞെത്തിയ അനിയൻ ഷിബിലിനെയും സംഘം മർദിച്ചിരുന്നു. വീട്ടിലെത്തിയ ഷാഹിർ വിഷം കഴിക്കുകയായിരുന്നു