സർക്കാർ അധികാരത്തിലേറിയത് ആർ എസ് എസ് അജണ്ട നടപ്പാക്കാനല്ല; ജനസംഖ്യ രജിസ്റ്ററും കേരളത്തിലുണ്ടാകില്ലെന്ന് മുഖ്യമന്ത്രി
Jan 22, 2020, 19:38 IST
ദേശീയ ജനസംഖ്യ രജിസ്റ്റർ കേരളത്തിൽ ഉണ്ടാകിലെന്ന് ആവർത്തിച്ച് മുഖ്യമന്ത്രി പിണറായി വിജയൻ. എൻ പി ആറിനുള്ള എന്യുമറേഷൻ പ്രവർത്തനം കേരളത്തിൽ നടത്തില്ല. ആർക്കും ആശങ്ക വേണ്ടെന്നും മുഖ്യമന്ത്രി പറഞ്ഞു.
സർക്കാർ അധികാരത്തിലെത്തിയത് ഭരണഘടനയെ സാക്ഷി നിർത്തിയാണ്. അല്ലാതെ ആർ എസ് എസ് അജണ്ട നടപ്പാക്കനല്ലെന്ന് മുഖ്യമന്ത്രി പറഞ്ഞു. ജനസംഖ്യ രജിസ്റ്ററും പൗരത്വ രജിസ്റ്ററും നടപ്പാക്കില്ലെന്ന് സെൻസസ് കമ്മീഷണറെ അറിയിക്കും. വ്യക്തിയുടെ ജനന തീയതി, മാതാപിതാക്കളുടെ വിവരങ്ങൾ എന്നീ ചോദ്യങ്ങൾ ഒഴിവാക്കിയാകും സെൻസസുമായുള്ള സഹകരണം
ഈ രണ്ട് ചോദ്യങ്ങൾ അനാവശ്യമാണെന്ന് സംസ്ഥാന സർക്കാർ നേരത്തെ പറഞ്ഞിരുന്നു. ഇത് പൗരത്വ രജിസ്റ്ററിലേക്ക് നയിക്കാനിടയുണ്ടെന്ന് വിലയിരുത്തലിലാണ് ഒഴിവാക്കുന്നത്.