മുതിര്ന്ന കോണ്ഗ്രസ് നേതാവും മുന്മന്ത്രിയുമായ എം.കമലം അന്തരിച്ചു
മുതിര്ന്ന കോണ്ഗ്രസ് നേതാവും മുന്മന്ത്രിയുമായ എം.കമലം (95) അന്തരിച്ചു. രാവിലെ ആറുമണിയോടെ കോഴിക്കോട്ടെ വീട്ടില് വെച്ചായിരുന്നു അന്ത്യം. സംസ്കാരം ഇന്ന് വൈകീട്ട് അഞ്ചുമണിക്ക് മാവൂര് റോഡ് ശ്മശാനത്തില് നടക്കും.
കോണ്ഗ്രസിന്റെ കേരള ചരിത്രത്തിലെ ഏറ്റവും പ്രമുഖയായ വനിതാ നേതാവായിരുന്നു കമലം കരുണാകരന് മന്ത്രിസഭയില് 82 മുതല് 87 വരെ സഹകരണമന്ത്രിയയിരുന്നു.വനിതാ കമ്മിഷന് ചെയര്പേഴ്സണ്, കെ.പി.സി.സി. വൈസ് പ്രസിഡന്റ്, ജനറല്സെക്രട്ടറി, എ.ഐ.സി.സി. അംഗം തുടങ്ങിയ നിലകളില് പ്രവര്ത്തിച്ചിരുന്നു. ഏഴുപതിറ്റാണ്ടുകാലം പൊതുരംഗത്ത് സജ്ജീവസാന്നിധ്യമായിരുന്നു. എം.കമലം.
1946ല് തന്റെ 20ാം വയസ്സിലാണ് രാഷ്ട്രീയ പ്രവര്ത്തനത്തിലേക്ക് കമലം കടന്നുവരുന്നത്. കോഴിക്കോട് നഗരസഭയിലെ മൂന്നാം വാര്ഡില് കൗണ്സിലറായിട്ടാണ് ആദ്യം തിരഞ്ഞെടുക്കപ്പെട്ടത്.പിന്നീട് ഘട്ടംഘട്ടമായ വളര്ച്ചയാണ് കമലത്തിന്റെ രാഷ്ട്രീയജീവിതത്തിലും പൊതുജീവിതത്തിലുമുണ്ടായത്.
ഭര്ത്താവ്: പരേതനായ മാമ്പറ്റ സാമിക്കുട്ടി. എം.യതീന്ദ്രദാസ് പത്മജ ചാരുദത്തന്, എം. മുരളി, എം. രാജഗോപാല്, എം. വിജയകൃഷ്ണന് എന്നിവരാണ് മക്കള്.