കൊറോണ വൈറസ് ബാധയെ പറ്റി വ്യാജ വാർത്ത പ്രചരിപ്പിച്ച മൂന്ന് പേർ തൃശ്ശൂരിൽ അറസ്റ്റിൽ

കൊറോണ വൈറസ് ബാധയെ പറ്റി വ്യാജ വാർത്ത പ്രചരിപ്പിച്ച മൂന്ന് പേർ തൃശ്ശൂരിൽ അറസ്റ്റിൽ

കൊറോണ വൈറസ് ബാധയുമായി ബന്ധപ്പെട്ട് വ്യാജ വാർത്ത പ്രചരിപ്പിച്ച മൂന്ന് പേരെ പോലീസ് അറസ്റ്റ് ചെയ്തു. തൃശ്ശൂർ സ്വദേശികളാണ് അറസ്റ്റിലായത്. മൂന്നുപീടിക പുഴങ്കര ഇല്ലത്ത് വീട്ടിൽ ഷാഫി, പെരിഞ്ഞനം അമ്പലത്തുവീട്ടിൽ സിറാജുദ്ദീൻ, പഴയന്നൂർ കുന്നത്ത് വീട്ടിൽ ശബരി എന്നിവരാണ് അറസ്റ്റിലായത്.

സമൂഹ മാധ്യമങ്ങൾ വഴി തെറ്റായ വാർത്ത പ്രചരിപ്പിച്ച പുനലൂർ സ്വദേശി അനീഷ് ജോർജിനെതിരെയും പോലീസ് കേസെടുത്തിട്ടുണ്ട്. വ്യാജ വാർത്ത പ്രചരിപ്പിച്ച കേസിൽ അറസ്റ്റിലായവരുടെ പോസ്റ്റുകൾ ഫോർവേർഡ് ചെയ്ത ആറ് പേരെ തിരിച്ചറിഞ്ഞതായും മന്ത്രി കെ കെ ശൈലജ അറിയിച്ചു.

വളരെ കുറച്ചു പേർ മാത്രമാണ് വ്യാജസന്ദേശങ്ങൾ പ്രചരിപ്പിക്കുന്നതിന് പിന്നിൽ. വീടുകളിൽ നിരീക്ഷണത്തിൽ കഴിയുന്നവരെ സംബന്ധിച്ചും എന്തെങ്കിലും പരാമർശം നടത്തുന്നതും സോഷ്യൽ മീഡിയയിൽ പോസ്റ്റ് ചെയ്യുന്നതും കുറ്റകരമാണെന്നും മന്ത്രി അറിയിച്ചു.

Share this story