കെ സുരേന്ദ്രനെ ബിജെപി സംസ്ഥാന അധ്യക്ഷനായി നിയമിച്ചു
Feb 15, 2020, 11:46 IST
കെ സുരേന്ദ്രനെ ബിജെപി സംസ്ഥാന അധ്യക്ഷനായി തെരഞ്ഞെടുത്തു. ബിജെപി ദേശീയ അധ്യക്ഷൻ ജെ പി നഡ്ഡയാണ് പ്രഖ്യാപനം നടത്തിയത്. പി എസ് ശ്രീധരൻ പിള്ള മിസോറാം ഗവർണറായി പോയ ശേഷം കഴിഞ്ഞ ഏതാനും മാസങ്ങളായി സംസ്ഥാനത്ത് ബിജെപി അധ്യക്ഷ പദവി ഒഴിഞ്ഞുകിടക്കുകയായിരുന്നു
എ ബി വി പിയിലൂടെ പൊതുപ്രവർത്തനം ആരംഭിച്ച കെ സുരേന്ദ്രൻ യുവമോർച്ച സംസ്ഥാന പ്രസിഡന്റ് എന്ന നിലയിലാണ് കേരള രാഷ്ട്രീയത്തിൽ ശ്രദ്ധിക്കപ്പെടുന്നത്. യുവമോർച്ചയിൽ നിന്നും ബിജെപിയിലേക്കെത്തിയ സുരേന്ദ്രൻ പാർട്ടി ജനറൽ സെക്രട്ടറിയായി നിലവിൽ പ്രവർത്തിച്ചു വരെയാണ് സംസ്ഥാന അധ്യക്ഷ പദവിയിലേക്ക് എത്തുന്നത്.
ലോക്സഭയിലേക്ക് കാസർകോട് മണ്ഡലത്തിൽ നിന്നും രണ്ട് തവണയും നിയമസഭയിൽ മഞ്ചേശ്വരത്ത് നിന്ന് രണ്ടതവണയും കഴിഞ്ഞ ലോക്സഭാ തെരഞ്ഞെടുപ്പിൽ പത്തനംതിട്ട മണ്ഡലത്തിൽ നിന്നും മത്സരിച്ചിട്ടുണ്ട്.