സംസ്ഥാനത്ത് കടുത്ത നിയന്ത്രണങ്ങളുമായി സർക്കാർ; ലംഘിച്ചാൽ നിയമനടപടി

12 പേർക്ക് കൂടി കൊവിഡ് 19 സ്ഥിരീകരിച്ചതോടെ സംസ്ഥാനത്ത് കടുത്ത നിയന്ത്രണങ്ങൾ ഏർപ്പെടുത്തി സർക്കാർ. ഒരു ദിവസം ആറ് കേസുകൾ റിപ്പോർട്ട് ചെയ്ത കാസർകോട് അതീവ ജാഗ്രതാ നിർദേശം നൽകിയിട്ടുണ്ട്.

സർക്കാർ ഓഫീസുകൾ ഒരാഴ്ചത്തേക്കും ആരാധനാലയങ്ങൾ, ക്ലബ്ബുകൾ എന്നിവ രണ്ടാഴ്ചത്തേക്കും അടച്ചിടും. കടകൾ രാവിലെ 11 മണി മുതൽ 5 മണി വരെ മാത്രമേ പ്രവർത്തിക്കാൻ പാടുള്ളുവെന്ന നിർദേശവും നൽകി. ഇത് ലംഘിക്കുന്നവർക്കെതിരെ നിയമ നടപടി സ്വീകരിക്കുമെന്ന് സർക്കാർ അറിയിച്ചു. അതിർത്തികളിലും പരിശോധന കർശനമാക്കിയിട്ടുണ്ട്

സംസ്ഥാനത്താകെ 44,396 പേരാണ് നിരീക്ഷണത്തിൽ കഴിയുന്നത്. ഇതിൽ 225 പേർ വിവിധ ആശുപത്രികളിലാണ്. ഇന്നലെ മാത്രം 56 പേർ പുതുതായി ആശുപത്രിയിൽ പ്രവേശിക്കപ്പെട്ടു.

സംസ്ഥാനത്തെ എല്ലാ പരീക്ഷകളും ഉപേക്ഷിക്കാൻ തീരുമാനമായിരുന്നു. ഗുരുവായൂർ ക്ഷേത്രത്തിലടക്കം ഭക്തർക്ക് നിയന്ത്രണമുണ്ടാകും. 28ന് ശബരിമല നട തുറക്കുമെങ്കിലും ഭക്തരെ പ്രവേശിപ്പിക്കില്ല