കൊവിഡ് : കോഴിക്കോട് പുതുതായി 635 പേര് കൂടി നിരീക്ഷണത്തില്
കൊവിഡ് പ്രതിരോധ പ്രവര്ത്തനത്തിന്റെ ഭാഗമായി കോഴിക്കോട് ജില്ലയില് ഇന്ന് (പുതുതായി വന്ന 635 പേരെ കൂടി നിരീക്ഷണത്തില് പ്രവേശിപ്പിച്ചു. ഇതോടെ ജില്ലയില് നിരീക്ഷണത്തില് കഴിയുന്നവരുടെ എണ്ണം ആകെ എണ്ണം 7865 ആയി. ജില്ലയില് ഇതുവരെ 31,374 പേര് നിരീക്ഷണം പൂര്ത്തിയാക്കി. ഇന്ന് പുതുതായി വന്ന 30 പേര് ഉള്പ്പെടെ 123 പേരാണ് ആശുപത്രികളില് നിരീക്ഷണത്തിലുള്ളത്. ഇതില് 93 പേര് മെഡിക്കല് കോളജ് ആശുപത്രിയിലും 30 പേര് കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററായ ലക്ഷദ്വീപ് ഗസ്റ്റ്ഹൗസിലുമാണ്. 14 പേര് ഡിസ്ചാര്ജ്ജ് ആയി.
ജില്ലയില് ഇന്ന് വന്ന 219 പേര് ഉള്പ്പെടെ ആകെ 2693 പ്രവാസികളാണ് നിരീക്ഷണത്തിലുള്ളത്. ഇതില് 726 പേര് ജില്ലാ ഭരണകൂടത്തിന്റെ കൊവിഡ് കെയര് സെന്ററുകളിലും 1931 പേര് വീടുകളിലും 36 പേര് ആശുപത്രിയിലും നിരീക്ഷണത്തിലാണ്. വീടുകളില് നിരീക്ഷണത്തിലുള്ളവരില് 114 പേര് ഗര്ഭിണികളാണ്. ഇന്ന് 200 സ്രവ സാമ്പിളുകള് പരിശോധനയ്ക്ക് അയച്ചിട്ടുണ്ട്. ആകെ 5394 സ്രവ സാമ്പിളുകള് പരിശോധനയ്ക്ക് അയച്ചതില് 5290 എണ്ണത്തിന്റെ ഫലം ലഭിച്ചു. ഇതില് 5196 എണ്ണം നെഗറ്റീവ് ആണ്. പരിശോധനയ്ക്കയച്ച സാമ്പിളുകളില് 104 പേരുടെ ഫലം കൂടി ലഭിക്കാനുണ്ട്.