സ്വർണ്ണക്കടത്ത്; വിവാദ വനിതയുടെ സർട്ടിഫിക്കറ്റുകളുമായി ബന്ധപ്പെട്ട പരാതി അന്വേഷിക്കും: മുഖ്യമന്ത്രി

സ്വർണക്കടത്തിലെ വിവാദ വനിതയുടെ സർട്ടിഫിക്കറ്റുകളുമായി ബന്ധപ്പെട്ട പരാതി പൊലീസ് അന്വേഷിക്കും എന്ന് മുഖ്യമന്ത്രി പിണറായി വിജയൻ. ഓൺലൈൻ വാർത്താ സമ്മേളനത്തിലാണ് മുഖ്യമന്ത്രി ഇക്കാര്യം വ്യക്തമാക്കിയത്.

Read Also അമിതാഭ് ബച്ചനും അഭിഷേക് ബച്ചനും കൊറോണ സ്ഥിരീകരിച്ചു  https://metrojournalonline.com/national/2020/07/12/corona-confirmed-by-amitabh-bachchan-and-abhishek-bachchan.html

സ്വർണക്കടത്തുമായി ബന്ധപ്പെട്ട അന്വേഷണം എൻ.ഐ.എ നടത്തുന്നുണ്ട്. മറ്റൊരു പ്രശനം ഉള്ളത് ഈ പറയുന്ന വിവാദ സ്ത്രീയുമായി ബന്ധപ്പെട്ടുള്ള അവരുടെ സർട്ടിഫിക്കറ്റിന്റെ പ്രശ്നത്തിലാണ്, അതുമായി ബന്ധപ്പെട്ട പരാതി ഇന്ന് ഉയർന്നതായി കാണുന്നുണ്ട്. സ്വാഭാവികമായും അന്വേഷണം നടത്തും എന്നുതന്നെയാണ്, ആ അന്വേഷണം നടത്താനുള്ള ഏർപ്പാടുകൾ പൊലീസ് സ്വാഭാവികമായും ചെയ്യും. മറ്റുള്ള കാര്യം അന്വേഷിക്കേണ്ടത് പൊലീസ് അല്ല എന്ന് ഇന്നലെ തന്നെ ഞാൻ വ്യതമാക്കിയിട്ടുള്ളതാണ്.”- മുഖ്യമന്ത്രി പറഞ്ഞു.

സ്വർണക്കടത്തുമായി ബന്ധപ്പെട്ട് സംസ്ഥാന സർക്കാർ അന്വേഷണം നടത്താത്തത് എന്താണ് എന്ന പ്രതിപക്ഷ നേതാവിന്റെ ചോദ്യവും ഇതുമായി ബന്ധപ്പെട്ട് എഫ്.ഐ.ആർ രജിസ്റ്റർ ചെയ്യണം എന്ന പ്രതിപക്ഷ ആവശ്യവും ചൂണ്ടിക്കാട്ടിയുള്ള മാധ്യമപ്രവർത്തകന്റെ ചോദ്യത്തോട് വാർത്താ സമ്മേളനത്തിൽ പ്രതികരിക്കുകയായിരുന്നു മുഖ്യമന്ത്രി.