വീണ്ടും കൊവിഡ് മരണം: എറണാകുളത്ത് ചികിത്സയിലിരുന്ന വയോധിക മരിച്ചു

സംസ്ഥാനത്ത് വീണ്ടും കൊവിഡ് മരണം. എറണാകുളം തൃപ്പുണിത്തുറ സ്വദേശിനി ചക്കിയാട്ടിൽ ഏലിയാമ്മയാണ് മരിച്ചത്. 85 വയസ്സായിരുന്നു. എറണാകുളം മെഡിക്കൽ കോളജ് ആശുപത്രിയിൽ ചികിത്സയിലായിരുന്നു. ന്യൂമോണിയയും കൊവിഡിന് പുറമെയുണ്ടായിരുന്നു. ഈ മാസം 23നാണ് ആശുപത്രിയിൽ പ്രവേശിപ്പിച്ചത്.

ഇന്നലെ കാസർകോട് തൃക്കരിപ്പൂർ സ്വദേശി കൊവിഡ് ബാധിച്ച് മരിച്ചിരുന്നു. അബ്ദുൽ റഹ്മാനാണ് മരിച്ചത്. ഇദ്ദേഹം തൃക്കരിപ്പൂർ കൈക്കോട്ട്കടവിൽ നടന്ന ഒരു കല്യാണ ചടങ്ങിൽ പങ്കെടുത്തിരുന്നു. സമ്പർക്കത്തിൽ വന്നവരോട് നിരീക്ഷണത്തിൽ പോകാൻ നിർദേശിച്ചിട്ടുണ്ട്