കൊവിഡ് വ്യാപനം: കോഴിക്കോട് നാല് താലൂക്കുകളിലായി 31 ക്യൂക് റെസ്‌പോൺസ് ടീമുകളെ നിയോഗിച്ചു
Sep 25, 2020, 11:41 IST
കൊവിഡ് വ്യാപനം രൂക്ഷമായ സാഹചര്യത്തിൽ കോഴിക്കോട് ജില്ലയിൽ നാല് താലൂക്കുകളിലായി പുതുതായി 31 ക്യൂക് റെസ്‌പോൺസ് ടീമുകളെ നിയോഗിച്ചു. കോഴിക്കോട് താലൂക്കിലെ ബേപ്പൂർ, വെള്ളയിൽ ഹാർബറുകൾ, വലിയങ്ങാടി, പാളയം, വേങ്ങേരി, കുന്നമംഗലം, ചാത്തമംഗലം, ചേളന്നൂർ-കക്കോടി, പെരുമണ്ണ-ഒളവണ്ണ, പന്നിയങ്ക എന്നിവിടങ്ങളിലേക്കായി ഒമ്പത് ടീമുകളെ നിയോഗിച്ചു
താമരശ്ശേരിയിൽ ഉണ്ണികുളം, രാരോത്ത്, കൊടുവള്ളി, പുതുപ്പാടി, പുത്തൂർ, കിഴക്കോട് എന്നിവിടങ്ങളിൽ നിയന്ത്രണങ്ങൾക്കും നിരീക്ഷണത്തിനുമായി ആറ് ടീമുകളുണ്ടാകും. ചോമ്പാല ഹാർബർ, വടകര, അഴിയൂർ, നാദാപുരം റോഡ്, കുറ്റ്യാടി, നാദാപുരം-കല്ലാച്ചി, ആയഞ്ചേരി, കക്കട്ടിൽ, കൊയിലാണ്ടി, പേരാമ്പ്ര, നടുവണ്ണൂർ, മേപ്പയ്യൂർ, പയ്യോളി, അരിക്കുളം ടൗൺ, മൂടാടി ടൗൺ കൊയിലാണ്ടി ഹാർബർ എന്നിവിടങ്ങളിലേക്കും ക്യൂക് റെസ്‌പോൺസ് ടീമിനെ ചുമതലപ്പെടുത്തിയിട്ടുണ്ട്.
