144 പ്രഖ്യാപിക്കാൻ സർക്കാരിന് അവകാശമില്ല, സമരങ്ങൾ ഇല്ലായ്മ ചെയ്യാനുള്ള ഗൂഢശ്രമമെന്ന് കെ മുരളീധരൻ

144 പ്രഖ്യാപിക്കാൻ സർക്കാരിന് അവകാശമില്ല, സമരങ്ങൾ ഇല്ലായ്മ ചെയ്യാനുള്ള ഗൂഢശ്രമമെന്ന് കെ മുരളീധരൻ

സംസ്ഥാനത്ത് അടുത്ത ദിവസം മുതൽ ആൾക്കൂട്ടങ്ങളെ വിലക്കി കൊണ്ടുള്ള സർക്കാർ ഉത്തരവിനെതിരെ കെ മുരളീധരൻ എംപി. കണ്ടെയ്ൻമെന്റ് സോൺ അല്ലാത്തിടത്ത് 144 പ്രഖ്യാപിക്കാൻ സർക്കാരിന് അവകാശമില്ല. ഈ തീരുമാനത്തെ കോൺഗ്രസിന് ലംഘിക്കേണ്ടി വരും. സമരങ്ങൾ ഇല്ലായ്മ ചെയ്യാനുള്ള ഗൂഢശ്രമമാണിതെന്നും കെ മുരളീധരൻ പറഞ്ഞു

രോഗവ്യാപനം എന്ന പേരിൽ 144 പ്രഖ്യാപിക്കുന്നത് തെറ്റാണ്. 144 ലംഘിക്കേണ്ടി വരും. കേസ് എടുക്കുന്നുണ്ടെങ്കിൽ എടുക്കട്ടെ. കുറച്ചു മാസം കഴിഞ്ഞാൽ ആ കേസ് കോൺഗ്രസ് തന്നെ കൈകാര്യം ചെയ്യും. കള്ളക്കടത്തുകാരിലും കരിഞ്ചന്തക്കാരിലുമാണ് സിപിഎമ്മിന്റെ രക്ഷ എന്നും മുരളീധരൻ പറഞ്ഞു

Share this story