സംസ്ഥാനത്ത് വർഷങ്ങളായി എൽഡിഎഫ്-യുഡിഎഫ് ധാരണയുണ്ടെന്ന് കുമ്മനം

സംസ്ഥാനത്ത് എൽ ഡി എഫ്-യുഡിഎഫ് ധാരണയുണ്ടെന്നും വർഷങ്ങളായി തുടരുന്ന ഈ ഒത്തുകളി ജനം തിരിച്ചറിഞ്ഞിട്ടുണ്ടെന്നും നേമത്തെ എൻ ഡി എ സ്ഥാനാർഥി കുമ്മനം രാജശേഖരൻ. ഇത്തരം ധാരണകൾക്കെതിരായ വിധിയെഴുത്ത് ഈ തെരഞ്ഞെടുപ്പിലുണ്ടാകും. ബിജെപിക്ക് അനുകൂലമായ സാഹചര്യം സംസ്ഥാനത്തുണ്ടെന്നും കുമ്മനം പറഞ്ഞു. നേമം മണ്ഡലത്തിലും എൽഡിഎഫ്-യുഡിഎഫ് ധാരണയുണ്ട്. നേമത്ത് പരമാവധി സംഘർഷങ്ങൾ ഒഴിവാക്കി മുന്നോട്ടു പോകാനാണ് ബിജെപി ശ്രമിച്ചത്. ഒരിക്കലും വർഗീയത പ്രചരിപ്പിച്ചിട്ടില്ലെന്നും കുമ്മനം പറഞ്ഞു.