പാനൂരിൽ ഒന്നര വയസ്സുള്ള കുട്ടിക്ക് തെരുവ് നായയുടെ ആക്രമണത്തിൽ ഗുരുതര പരുക്ക്

കണ്ണൂർ പാനൂരിൽ ഒന്നര വയസ്സുകാരനെ തെരുവ് നായ ആക്രമിച്ചു. ഗുരുതരമായി പരുക്കേറ്റ കുട്ടി മിംസ് ആശുപത്രിയിൽ തീവ്രപരിചരണ വിഭാഗത്തിൽ ചികിത്സയിലാണ്. പാനൂർ കുനിയിൽ നസീർ-മുർഷിദ ദമ്പതികളുടെ മകൻ ഐസിൻ നസീറിനെയാണ് തെരുവ്‌നായ ആക്രമിച്ചത്. വീട്ടിൽ നിന്നും മുറ്റത്തേക്ക് ഇറങ്ങിയ കുട്ടിയെ തെരുവ് നായ ആക്രമിക്കുകയായിരുന്നു. മുഖത്തും കണ്ണിനും ഗുരുതരമായി പരുക്കേറ്റിട്ടുണ്ട്. വായിലെ മൂന്ന് പല്ലുകളും നഷ്ടമായി.