അബ്ദുൽനാസർ മഅദനി ഇന്ന് കേരളത്തിലെത്തും; യാത്രാനുമതി 12 ദിവസത്തേക്ക്

അബ്ദുൽനാസർ മഅദനി ഇന്ന് കേരളത്തിലെത്തും. ബംഗളൂരുവിൽ നിന്ന് ഉച്ചയ്ക്ക് ശേഷമാണ് മഅദനി പുറപ്പെടുക. നെടുമ്പാശ്ശേരിയിൽ വെച്ച് മഅദനിയെ പിഡിപി പ്രവർത്തകർ ചേർന്ന് സ്വീകരിക്കും. തുടർന്ന് ആംബുലൻസിൽ അൻവാർശേരിയിലേക്ക് പോകും. ചികിത്സയിൽ കഴിയുന്ന പിതാവിനെ കാണുന്നതിനായാണ് സുപ്രീം കോടതി അനുമതിയോടെ മഅദനി കേരളത്തിലെത്തുന്നത്

12 ദിവസത്തേക്കാണ് യാത്രാനുമതി നൽകിയത്. ബംഗളൂരു സ്‌ഫോടനക്കേസുമായി ബന്ധപ്പെട്ട് അറസ്റ്റിലായ മഅദനി ജ്യാമവ്യവസ്ഥ പ്രകാരം ബംഗളൂരുവിൽ തന്നെ തുടരുകയായിരുന്നു. നേരത്തെ മഅദനിയുടെ യാത്രയ്ക്ക് മുന്നോടിയായി 60 ലക്ഷം രൂപ അടയ്ക്കണമെന്ന് കർണാടക പോലീസ് കത്ത് നൽകിയതോടെ യാത്ര അനിശ്ചിതത്വത്തിലായിരുന്നു. നിലവിൽ യാത്രാ ചെലവുകളിൽ കർണാടക സർക്കാർ ഇളവ് നൽകിയേക്കുമെന്നാണ് സൂചന.