സിനിമ-സീരിയൽ താരം അപർണ നായരെ തൂങ്ങി മരിച്ച നിലയിൽ കണ്ടെത്തി

സിനിമാ, സീരിയൽ നടി അപർണ നായരെ തൂങ്ങിമരിച്ച നിലയിൽ കണ്ടെത്തി. കരമന തളിയിലെ വീട്ടിലാണ് നടിയെ മരിച്ച നിലയിൽ കണ്ടത്. ഇന്നലെ വൈകുന്നേരം ഏഴരയോടെയാണ് സംഭവം. ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു. 

മേഘതീർഥം, മുദ്ദുഗൗ, അച്ചായൻസ്, കോടതി സമക്ഷം ബാലൻ വക്കീൽ, കൽക്കി തുടങ്ങിയ സിനിമകളിലും ചന്ദനമഴ, ആത്മസഖി, മൈഥിലി വീണ്ടും വരുന്നു, ദേവസ്പർശം തുടങ്ങിയ സീരിയലുകളിലും അഭിനയിച്ചിട്ടുണ്ട്. സഞ്ജിത്ത് ആണ് ഭർത്താവ്. രണ്ട് മക്കളുണ്ട്.