ആലുവ പീഡനം: സ്ത്രീകളും കുട്ടികളും ഏറ്റവും കൂടുതൽ ആക്രമിക്കപ്പെടുന്ന നാടായി കേരളം മാറിയെന്ന് സതീശൻ

ആലുവയിൽ പെൺകുട്ടിക്ക് നേരെ ആക്രമണം ആവർത്തിച്ചത് പോലീസ് അനാസ്ഥയുടെ തെളിവാണെന്ന് പ്രതിപക്ഷ നേതാവ് വിഡി സതീശൻ. സ്ത്രീകളും കുട്ടികളും ഏറ്റവും കൂടുതൽ അക്രമത്തിന് ഇരയാകുന്ന നാടായി കേരളം മാറി. സ്ത്രീകൾക്കും കുട്ടികൾക്കുമെതിരെ ആക്രമണം ആവർത്തിച്ചിട്ടും സർക്കാർ അനാസ്ഥ തുടരുകയാണ്. പോലീസ് പട്രോളിംഗ് കാര്യക്ഷമമല്ല

ആലുവ പാലസിൽ മുഖ്യമന്ത്രിക്ക് ആവശ്യത്തിന് പോലീസ് സുരക്ഷയുണ്ടായിരുന്നു. തൊട്ടടുത്താണ് കുട്ടി ബലാത്സംഗത്തിന് ഇരയായതെന്നും സതീശൻ വിമർശിച്ചു. പോലീസിന് ഇഷ്ടം ഗ്രോ വാസുവിനോട് വിരോധം തീർക്കാനാണ്. പോലീസ് ജനങ്ങൾക്ക് മുന്നിൽ പരിഹാസ്യമാകുന്ന കാഴ്ചയാണ് നടക്കുന്നത്. ഒന്നും മുഖ്യമന്ത്രി അറിയുന്നില്ല. എന്ത് തമാശയാണ് കേരളത്തിൽ നടക്കുന്നത്. ആരാണ് മുഖ്യമന്ത്രിയുടെ ഓഫീസ് ഭരിക്കുന്നതെന്നും വിഡി സതീശൻ ചോദിച്ചു.