സംസ്ഥാനത്ത് വീണ്ടും പനി മരണം; വിതുര സ്വദേശിയായ സ്ത്രീ മരിച്ചു

സംസ്ഥാനത്ത് വീണ്ടും പനി മരണം. വിതുര മേമല സ്വദേശി സുശീലയാണ് പനി ബാധിച്ച് മരിച്ചത്. തിരുവനന്തപുരം മെഡിക്കൽ കോളജിൽ ചികിത്സയിൽ കഴിയുന്നതിനിടെയാണ് മരണം സംഭവിച്ചത്. സംസ്ഥാനത്ത് അടുത്തിടെ നിരവധി പനി മരണങ്ങളാണ് റിപ്പോർട്ട് ചെയ്തിരിക്കുന്നത്

എലിപ്പനി, ഡങ്കിപ്പനി, എച്ച് 1 എൻ 1 കേസുകൾ സംസ്ഥാനത്ത് വർധിക്കുകയാണ്. പനി ലക്ഷണങ്ങളുണ്ടെങ്കിൽ സ്വയം ചികിത്സിക്കാതെ എത്രയും വേഗം ഡോക്ടറെ സമീപിക്കാൻ ആരോഗ്യ വകുപ്പ് കർശന നിർദേശം നൽകിയിട്ടുണ്ട്.