മുട്ടിൽ മരം മുറി കേസിൽ കുറ്റപത്രം ഉടൻ സമർപ്പിക്കുമെന്ന് മന്ത്രി എ കെ ശശീന്ദ്രൻ

മുട്ടിൽ മരം മുറി കേസിൽ കുറ്റപത്രം ഉടൻ സമർപ്പിക്കുമെന്ന് മന്ത്രി എ കെ ശശീന്ദ്രൻ. ഡി.വൈ.എസ്.പി വിവി ബെന്നിയുടെ പിൻമാറ്റം കുറ്റപത്രം നൽകുന്നതിനെ ബാധിക്കില്ല. ചുമതലയിൽ നിന്ന് മാറ്റണമെന്ന ഉദ്യോഗസ്ഥന്റെ ആവശ്യം എന്തുകൊണ്ടാണെന്ന് അറിയില്ല. അതിൽ കാരണം അന്വേഷിക്കേണ്ടത് വനംവകുപ്പിന്റെ ചുമതലയല്ലെന്നും എ കെ ശശീന്ദ്രൻ വ്യക്തമാക്കി

കേസിന്റെ അന്വേഷണം ശരിയായ ദിശയിലെന്നും പ്രതികൾക്ക് കടുത്ത ശിക്ഷ ഉറപ്പാക്കുമെന്നും മന്ത്രി നേരത്തെ പറഞ്ഞിരുന്നു. പ്രതികളായ അഗസ്റ്റിൻ സഹോദരങ്ങൾ നൽകിയ അനുമതിക്കത്തുകൾ വ്യാജമെന്ന് അന്വേഷണസംഘം കണ്ടെത്തിയതിനു പിന്നാലെയാണ് കൂടുതൽ കുരുക്ക് മുറുകുന്നത്. പിടിച്ചെടുത്തത് മുറിച്ചു മാറ്റിയ മരങ്ങൾ തന്നെയെന്ന് ഡിഎൻഎ പരിശോധനയിൽ വ്യക്തമായതായാണ് വനംമന്ത്രി പറയുന്നത്.