അമൽജ്യോതി കോളജിലെ വിദ്യാർഥിനിയുടെ മരണം; സമരം അവസാനിപ്പിക്കാനായി ഇന്ന് മന്ത്രിതല ചർച്ച

ബിരുദ വിദ്യാർഥിനി ശ്രദ്ധയുടെ ആത്മഹത്യക്ക് പിന്നാലെ കാഞ്ഞിരപ്പള്ളി അമൽജ്യോതി കോളജിൽ നടക്കുന്ന പ്രതിഷേധ സമരം അവസാനിപ്പിക്കുന്നതിനായി ഇന്ന് മന്ത്രിതല ചർച്ച. കോളജിൽ രാവിലെ പത്ത് മണിയോടെ മന്ത്രിമാരായ ആർ ബിന്ദുവും വി എൻ വാസവനും മാനേജ്‌മെന്റ് അധികൃതരുമായും വിദ്യാർഥി പ്രതിനിധികളുമായും ചർച്ച നടത്തും. 

ആരോപണവിധേയരായ അധ്യാപകർക്കെതിരെ നടപടി വേണമെന്ന നിലപാടിലാണ് വിദ്യാർഥികൾ. സാങ്കേതിക സർവകലാശാലയുടെ അന്വേഷണവും ഇന്ന് തുടങ്ങും. എന്നാൽ സമരത്തിന് പിന്നിൽ ചില തത്പര കക്ഷികളുടെ അജണ്ടയുണ്ടെന്നാണ് കാഞ്ഞിരപ്പള്ളി അതിരൂപതയുടെ വിമർശനം. ക്രിസ്ത്യൻ സ്ഥാപനങ്ങളെ ഒറ്റതിരിഞ്ഞ് ആക്രമിക്കുന്ന പ്രവണത അടുത്ത കാലത്ത് കണ്ടുവരുന്നത് സങ്കടകരമാണെന്ന് വികാരി ജനറൽ വിമർശിച്ചു