മദ്യലഹരിയിൽ കാറോടിച്ച് അപകടമുണ്ടാക്കി; ആംആദ്മി പാർട്ടി സംസ്ഥാന പ്രസിഡന്റിനെതിരെ കേസ്

മദ്യലഹരിയിൽ അലക്ഷ്യമായി വാഹനമോടിച്ച് അപകടമുണ്ടാക്കിയ സംഭവത്തിൽ ആം ആദ്മി സംസ്ഥാന പ്രസിഡന്റ് അഡ്വ. വിനോദ് മാത്യു വിൽസണെതിരെ കേസെടുത്തു. ഇന്നലെ രാത്രി കൊല്ലം കാങ്കത്തുമുക്കിലാണ് സംഭവം. വിനോദ് മാത്യു സഞ്ചരിച്ച വാഹനം സിഗ്നൽ പോസ്റ്റിലേക്ക് ഇടിച്ചുകയറുകയായിരുന്നു. 

ഇയാളെ നാട്ടുകാരാണ് പോലീസിന് കൈമാറിയത്. വൈദ്യപരിശോധനയിൽ ആം ആദ്മി സംസ്ഥാന പ്രസിഡന്റ് മദ്യപിച്ചതായി കണ്ടെത്തി. ഒപ്പമുണ്ടായിരുന്ന സുഹൃത്തുമായി വഴക്കിട്ടതിനെ തുടർന്നാണ് വാഹനത്തിന്റെ നിയന്ത്രണം നഷ്ടമായത്.