നെടുമ്പാശ്ശേരിയിൽ വ്യാജ ബോംബ് ഭീഷണി; ഇൻഡിഗോ വിമാനം തിരിച്ചുവിളിച്ച് പരിശോധിച്ചു

നെടുമ്പാശ്ശേരി വിമാനത്താവളത്തിൽ വ്യാജ ബോംബ് ഭീഷണി. ബംഗളൂരുവിലേക്ക് പുറപ്പെട്ട ഇൻഡിഗോ വിമാനത്തിൽ ബോംബുണ്ടെന്നാണ് ഭീഷണി വന്നത്. വിമാനം തിരിച്ചുവിളിച്ച് ബോംബ് സ്‌ക്വാഡ് പരിശോധിച്ചെങ്കിലും സംശയാസ്പദമായി ഒന്നും കണ്ടെത്താനായില്ല. രാവിലെ 10.40ന് ബംഗളൂരുവിലേക്ക് ടേക്ക് ഓഫ് ചെയ്യാനൊരുങ്ങിയ വിമാനമാണ് ഭീഷണി സന്ദേശം ലഭിച്ചതിനെ തുടർന്ന് തിരിച്ചുവിളിച്ച് പരിശോധിച്ചത്. യാത്രക്കാരെ മുഴുവനായി ഇറക്കിയാണ് പരിശോധന നടത്തിയത്.