വ്യാജരേഖാ കേസ്: വിദ്യയുടെ വീട്ടിൽ പോലീസ് സംഘം എത്തി; വീട് പൂട്ടിയ നിലയിൽ

എറണാകുളം മഹാരാജാസ് കോളജിന്റെ പേരിൽ വ്യാജരേഖയുണ്ടാക്കിയ കേസിൽ കെ വിദ്യയുടെ കാസർകോട് തൃക്കരിപ്പൂരിലെ വീട്ടിൽ പോലീസ് എത്തി. വീട് പൂട്ടിയ നിലയിലാണ്. ഇതേ തുടർന്ന് സമീപത്തെ വീട്ടിൽ നിന്ന് പോലീസ് വിവരങ്ങൾ തിരക്കി. വിദ്യക്കെതിരെ കേസ് രജിസ്റ്റർ ചെയ്ത് നാല് ദിവസം കഴിഞ്ഞിട്ടും പ്രതിയെ കണ്ടെത്താൻ പോലീസിന് സാധിച്ചിട്ടില്ല. കാലടയിൽ സംസ്‌കൃത സർവകലാശാലയിലെ ഒരു ഹോസ്റ്റലിൽ വിദ്യ ഒളിച്ചു താമസിക്കുന്നതായാണ് ആരോപണം

വിദ്യയെ അറസ്റ്റ് ചെയ്ത് ചോദ്യം ചെയ്താൽ മാത്രമേ വ്യാജരേഖ സംബന്ധിച്ച വിവരങ്ങൾ അറിയാനാകൂ. അഗളി ഇൻസ്‌പെക്ടറുടെ നേതൃത്വത്തിലുള്ള സംഘമാണ് കേസ് അന്വേഷിക്കുന്നത്. അഗളി ഗവ. കോളജ് പ്രിൻസിപ്പലിന്റെ പരാതിയിലാണ് കേസ് രജിസ്റ്റർ ചെയ്ത് അന്വേഷണം നടക്കുന്നത്.