വ്യാജരേഖ ചമച്ച സംഭവം: കെ വിദ്യക്കെതിരെ അട്ടപ്പാടി കോളജ് പ്രിൻസിപ്പലും പരാതി നൽകി

എറണാകുളം മഹാരാജാസ് കോളജിന്റെ പേരിൽ വ്യാജരേഖ ചമച്ച സംഭവത്തിൽ കെ വിദ്യക്കെതിരെ അട്ടപ്പാടി സർക്കാർ കോളജ് പ്രിൻസിപ്പലും പരാതി നൽകി. വിശദമായ അന്വേഷണം വേണമെന്ന് ആവശ്യപ്പെട്ട് പ്രിൻസിപ്പൽ ലാലിമോൾ വർഗീസാണ് അഗളി പോലീസിൽ പരാതി നൽകിയത്. ഈ മാസം രണ്ടിന് അഭിമുഖത്തിനായി ഹാജരാക്കിയ രേഖ വ്യാജമെന്നാണ് പരാതി. 

സംഭവത്തിൽ വിദ്യക്കെതിരെ എറണാകുളം സെൻട്രൽ പോലീസ് സ്‌റ്റേഷനിൽ രജിസ്റ്റർ ചെയ്ത കേസിന്റെ എഫ് ഐ ആറും രേഖകളും അഗളി പോലീസ് സ്‌റ്റേഷനിലേക്ക് കൊണ്ടുപോയി. വ്യാജരേഖ സമർപ്പിച്ച കോളജ് അഗളി പോലീസ് സ്‌റ്റേഷൻ പരിധിയിൽ ആയതിനാലാണ് ഫയൽ കൈമാറ്റം.