ജോലിയിൽ തിരിച്ചെടുക്കണം; ഗതാഗത മന്ത്രിക്ക് പരാതി നൽകി കെഎസ്ആർടിസി ഡ്രൈവർ യദു

മേയർ ആര്യാ രാജേന്ദ്രനുമായുള്ള തർക്കത്തെ തുടർന്ന് ജോലിയിൽ നിന്ന് മാറ്റി നിർത്തിയ കെഎസ്ആർടിസി താത്കാലിക ഡ്രൈവർ യദു ഗതാഗത മന്ത്രിക്ക് പരാതി നൽകി. തന്നെ ജോലിയിലേക്ക് തിരിച്ചെടുക്കണമെന്ന് ആവശ്യപ്പെട്ടാണ് യദു കത്തെഴുതിയത്.

ഒന്നുകിൽ തിരിച്ചെടുക്കണം, അല്ലെങ്കിൽ പറഞ്ഞു വിടണമെന്ന് യദു കത്തിൽ പറഞ്ഞു. ആര്യാ രാജേന്ദ്രന്റെ വാഹനത്തിന് സൈഡ് കൊടുക്കാത്തതിനെ ചൊല്ലിയായിരുന്നു തർക്കം നടന്നത്. യദു അശ്ലീല ചിഹ്നങ്ങൾ കാണിച്ചതായും അസഭ്യം പറഞ്ഞതായും മേയർ ആരോപിച്ചിരുന്നു.
 

Share this story