മുമ്പ് പറഞ്ഞതിൽ ഉറച്ചു നിൽക്കുന്നു; ലോക്‌സഭാ തെരഞ്ഞെടുപ്പിൽ മത്സരിക്കില്ലെന്ന് കെ മുരളീധരൻ

ലോക്‌സഭാ തെരഞ്ഞെടുപ്പിൽ മത്സരിക്കില്ലെന്ന് ആവർത്തിച്ച് കെ മുരളീധരൻ. മുമ്പ് പറഞ്ഞതിൽ ഉറച്ച് നിൽക്കുന്നു. വടകരയിൽ ആര് നിന്നാലും യുഡിഎഫിന് ജയിക്കാം. പ്രചാരണത്തിന് താനും ഉണ്ടാകും. പുതുപ്പള്ളിയിലെ വിജയം കോൺഗ്രസിന് ഊർജം നൽകുന്നു. നേതൃത്വം ഒരിടത്ത് കേന്ദ്രീകരിച്ച് പ്രവർത്തിച്ചത് ഗുണം ചെയ്തു. ലോക്‌സഭാ തെരഞ്ഞെടുപ്പിൽ ഇത് സാധ്യമല്ല. അതിനാൽ സംഘടനാ സംവിധാനം ശക്തിപ്പെടുത്തണമെന്നും മുരളീധരൻ പറഞ്ഞു

പുതുപ്പള്ളി വിജയത്തിന് പിന്നിൽ ഭരണവിരുദ്ധ വികാരം പ്രതിഫലിച്ചു. ഉമ്മൻ ചാണ്ടിയുടെ മരണവും കുടുംബത്തിന് നേരെയുള്ള വേട്ടയാടലും സഹതാപമായി. ഓണത്തിന് പട്ടിണി കിടത്തിയതും പ്രതിഫലിച്ചു. ബിജെപിക്ക് വോട്ട് കുറഞ്ഞതിലാണ് സിപിഎമ്മിന് സങ്കടം. പുതിയ വോട്ടർമാരെ ആകർഷിക്കാൻ കഴിയാത്തത് പാർട്ടി സംവിധാനത്തിന്റെ വീഴ്ചയാണെന്നും കെ മുരളീധരൻ വ്യക്തമാക്കി.