ഗണേഷ് കുമാറിന് രണ്ടര വർഷം കഴിയുമ്പോൾ മന്ത്രിസ്ഥാനം നൽകാമെന്ന് നേരത്തെ തീരുമാനിച്ചതാണ്: കാനം

കെ ബി ഗണേഷ് കുമാറിന്റെ മന്ത്രിസ്ഥാനം നേരത്തെ തീരുമാനിച്ചതാണെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. ഗണേഷിന് രണ്ടര വർഷം കഴിയുമ്പോൾ മന്ത്രിസ്ഥാനം നൽകാമെന്ന് ധാരണയുണ്ട്. പുനഃസംഘടനാ കാര്യങ്ങളെല്ലാം നേരത്തെ തീരുമാനിച്ചതാണ്. മുഖ്യമന്ത്രിയുടെ മൗനം അനാവശ്യ വിവാദങ്ങൾക്ക് നിൽക്കാതിരിക്കലാണ്. ആവശ്യമുള്ള കാര്യങ്ങൾ മുഖ്യമന്ത്രി പറയുന്നുണ്ട്

പുതുപ്പള്ളി ഫലത്തിൽ അസ്വാഭാവികതയില്ല. പുതുപ്പള്ളിയിലെ കോൺഗ്രസ് ജയം ലോകാത്ഭുതമൊന്നുമല്ല. സഹകരണ മേഖലയിലെ പ്രശ്‌നങ്ങൾ നിയമങ്ങൾ കർശനമാക്കുമ്പോൾ പരിഹരിക്കാനാകും. സിപിഐ മന്ത്രിമാരുടെ പ്രവർത്തനങ്ങൾ എല്ലാ മാസവും വിലയിരുത്താറുണ്ടെന്നും കാനം പറഞ്ഞു.