ജോണി നെല്ലൂർ രാജിവെച്ചത് യുഡിഎഫിനെ ബാധിക്കില്ല; ശക്തനായ നേതാവല്ലെന്നും സതീശൻ

ജോണി നെല്ലൂർ രാജിവെച്ചത് യുഡിഎഫിനെ ബാധിക്കില്ലെന്ന് പ്രതിപക്ഷ നേതാവ് വിഡി സതീശൻ. കേരളാ കോൺഗ്രസ് നേതാവാണ് ജോണി നെല്ലൂർ. നിയമസഭാ തെരഞ്ഞെടുപ്പിന് ശേഷം അസംതൃപ്തൻ ആയിരുന്നു. ശക്തനായ നേതാവല്ല ജോണി നെല്ലൂരെന്നും സതീശൻ പറഞ്ഞു. ബാബു ജോർജ് കോൺഗ്രസ് വിട്ടതിൽ പാർട്ടിക്ക് ഒന്നും സംഭവിക്കില്ല. ബാബു ജോർജ് സസ്‌പെൻഷനിൽ ആയിരുന്നു. പോകുന്നവർ പോകട്ടെയെന്നും സതീശൻ പറഞ്ഞു

കെ റെയിൽ നടപ്പാക്കാൻ യുഡിഎഫ് അനുവദിക്കില്ലെന്നും സതീശൻ പ്രതികരിച്ചു. വളവുള്ള ഭാഗങ്ങളിലെ പാളം നിവർത്തിയാൽ അതിവേഗം ട്രെയിനുകൾക്ക് സഞ്ചരിക്കാനാകും. കെ റെയലിന് ബദലാണ് വന്ദേഭാരത്. ബിജെപിയും സിപിഎമ്മും കൂടി കെ റെയിൽ നടപ്പാക്കാൻ ഒരുങ്ങിയാൽ കോൺഗ്രസ് ശക്തമായി എതിർക്കും. നിലവിലെ ഡിപിആർ വെച്ച് കെ റെയിൽ നടപ്പാക്കാൻ കഴിയില്ലെന്ന് കേന്ദ്രം വ്യക്തമാക്കിയതാണെന്നും സതീശൻ പറഞ്ഞു